|
1Samtang
naglakaw si Jesus nakita niya ang usa ka tawo nga buta sukad
pa sa iyang pagkahimugso. 6Human siya makasulti niini, si
Jesus miluwa sa yuta ug nagmasa siyag lapok ginamit ang laway.
Unya gihidhiran niya sa lapok ang mga mata sa tawo, 7ug giingnan,
"Lakaw, panghilam-os didto sa Linaw sa Siloe." (Kining
ngalana nagkahulogan "Pinadala.") Busa milakaw ang
tawo ug nanghilam-os ug unya mibalik siya nga makakita na.
8Unya
ang iyang mga silingan ug ang mga tawo nga nakakita kaniya
nga nagpakilimos sa wala pa siya maayo, nangutana, "Dili
ba mao kini ang tawo nga kaniadto nagpunayg lingkod ug nagpakilimos?"
9May
miingon, "Mao kana siya," apan ang uban miingon,
"Dili pariho lamang silag hitsura."
Busa
ang tawo mitug-an, "Ako bitaw."
13Unya
ilang gidala ngadto sa mga Pariseo ang tawo nga kaniadto buta.
14Adlawng
Igpapahulay kadto sa pagmasa ni Jesus og lapok ug sa pagpabuka
niya sa mga mata sa buta. 15Unya gipangutana pag-usab sa mga
Pariseo ang tawo kon giunsa niya pagkakita. Ug siya miingon
kanila, "Gibutangan niyag lapok ang akong mata ug unya
nanghilam-os ako ug aron makakita na ako."
16Pipila
sa mga Pariseo miingon, "Ang nag-ayo kanimo dili gikan
sa Dios, kay wala man siya magtuman sa balaod, mahitungod
sa Adlawng Igpapahulay."
Apan ang uban miingon, "Unsaon man sa usa ka makasasala
pagbuhat sa mga milagro nga sama niini?" Ug nabahin sila.
17Busa
nangutana pag-usab kaniya ang mga Pariseo, "Nag-ingon
ka nga gipabuka niya ang imong mga mata; kon tinuod kini,
unsa may imong ikasulti mahitungod kaniya?"
Ang
tawo mitubag, "Siya usa ka propeta."
34Sila
mitubag, "Natawo ka ug nagtubo diha sa sala, ug karon
magpalumaluma ka ug tudlo kanamo?" Ug siya gipalagpot
ngadto sa sinagoga.
35Si
Jesus nakabalita nga siya ilang gipalagpot sa sinagoga. Unya
hikit-an niya ang tawo ug giingnan, "Mituo ka ba sa Anak
sa Tawo?"
36Ang
tawo mitubag, "Sir, tug-ani ako kon kinsa siya, aron
motuo ako kaniya!"
37Si
Jesus miingon, "Nakakita na ikaw kaniya, ug siya ang
nagsulti kanimo karon."
38"Mituo
ako, Ginoo!" ang tawo miingon, ug unya miluhod siya sa
atubangan ni Jesus. Ang Ebanghelyo sa Ginoo.
oOo
KAHULOGAN
SA EBANGHELYO (Juan 9:1, 6-9, 13-17, 34-38)
1
Samtang naglakaw si Jesus nakita niya ang usa ka tawo nga
buta...
Lahi kay sa ubang mga milagro. Kini wala buhata ni Jesus tungod
kay siya gihang-yo. Si Jesus mismo ang mibuot niini.
6…
si Jesus miluwa sa yuta ug nagmasa siyag lapok ginamit ang
laway. Unya gihidhiran niya sa lapok ang mga mata sa tawo,
7ug giingnan, "Lakaw, panghilam-os didto sa Linaw sa
Siloe." (Kining ngalana nagkahulugan "Pinadala.")
Kining
maong paghulagway nagpakita nga si Juan nakasaksi gayod niining
maong panghitabo. Sa karaang panahon, ang laway adunay kalambigitan
sa panambal. Dinhi si Juan nagpasabot hinoon sa kahulogan
sa sakramento.
Kining
tawhana natawo nga buta-usa ka simbolo sa katawhan nga anaa
sa kangitngit gumikan sa sala. Ang linaw sa Siloe-nga anaa
mahimutang sa labing ubos nga bahin sa Jerusalem-maoy gihimo
nga simbolo sa sakramento sa bunyag nga naglinis ug nagdan-ag.
Si
Jesus, sumala sa paghulagway ni Juan, mipadayag sa iyang kaugalingon
pinaagi sa pulong nga Hebreo Shilloah nga nagkahulogan og
"pinadala". Kini si Jesus nga mao ang tawo nga gipadala
nakapaukyab sa daghang mga pangutana, pagduhaduha,
panghunahuna ug panaglalis: Kinsa man gayod siya?
8Unya
ang iyang mga silingan...nangutana, "Dili ba mao kini
ang tawo nga kaniadto nagpunayg lingkod ug nagpakilimos?"...
12Unya ilang gidala ngadto sa mga Pariseo ang tawo nga kaniadto
buta… 15 Unya gipangutana pag-usab sa mga Pariseo ang
tawo kon giunsa niya pagkakita. Ug siya miingon kanila, "Gibutangan
niyag lapok ang akong mata ug unya nanghilam-os ako ug aron
makakita na ako."
Ang
mga silingan mao ang unang mihimo og pakisusi. Gisusi nila
kon unsay nahitabo. Kini sila mipakita lamang sa ilang dakong
katingala.
Bisan
sa atong panahon karon, anaay daghang mga katawhan nga anaa
ra diha kutob ang ilang pag-ila kang Jesus. Interesado sila
sa unsay mga gibuhat ni Cristo lamang, ug dili sila buot nga
kadugangan pa ang ilang panagsuod kang Cristo. Mao nga kutob
ra sila sa unsay ilang mahibaw-an mahitungod kang Cristo,
dili ang pakigsuod kaniya isip maoy personal nga Dios ug Manluluwas.
Mismo
ang buta wala usab masayod kon kinsa kini si Jesus. Ang iyang
nahibaw-an mao lamang nga ang mga tawo mitawag kaniya'g Jesus.
16Pipila
sa mga Pariseo miingon, "Ang nag-ayo kanimo dili gikan
sa Dios… Apan ang uban miingon, "Unsaon man sa usa
ka makasasala pagbuhat sa mga milagro nga sama niini?"
Ug nabahin sila.
Sa
wala pa kining maong panghitabo, ang mga katawhan nabahin
sa ilang opinyon. May mga midapig o wala modapig kang Jesus.
17Busa
nangutana pag-usab kaniya ang mga Pariseo, "... kon tinuod
kini, unsa may imong ikasulti mahitungod kaniya?" Ang
tawo mitubag, "Siya usa ka propeta."
Apan
ang kanhi buta, tungod sa mga pangutana sa uban, sa hinayhinay
miangkon nga iyang giila si Jesus nga usa ka Propeta.
34
Sila mitubag, "Natawo ka ug nagtubo diha sa sala, ug
karon magpalumaluma ka ug tudlo kanamo?"
Ang
mga Pariseo naulipon sa ilang mga "gituohan" o sa
ilang tradisyon. Midumili sila sa pagdawat sa unsay kamatuoran-nga
kining buta giayo gayod ni Jesus. Alang kanila ang pagdawat
sa "kabag-ohan" nga si Jesus nag-ayo sa usa ka buta
sa Adlawng Igpapahulay nagbukas og dakong peligro sa sistema
sa ilang pagtuo.
Maoy
hinungdan nga wala nila dawata ang unsay gimatuod sa buta-nga
si Jesus miayo kaniya. Ug ang mga Pariseo nahisulod hinoon
sa laang sa dakong kasaypanan nga mao ang pagdumili sa pagtuo.
Usa ka tinuyoan nga pagdumili o pagtak-op sa mga mata kabahin
sa misteryo mahitungod kang Jesus.
35Si
Jesus nakabalita nga siya ilang gipalagpot sa sinagoga. Unya
hikit-an niya ang tawo ug giingnan, "Mituo ka ba sa Anak
sa Tawo?" 36Ang tawo mitubag, "Sir, tug-ani ako
kon kinsa siya, aron motuo ako kaniya!" 37Si Jesus miigon,
"Nakakita na ikaw kaniya, ug siya ang nagsulti kanimo
karon." 38 Mituo ako, Ginoo!" ang tawo miingon,
ug unya miluhod siya sa atubangan ni Jesus.
Samtang
ang mga Pariseo mitak-op sa ilang kaugalingon sa pultahan
sa pagtuo, ang kanhi buta hinayhinay nga mibukas sa iyang
kaugalingon ngadto sa pagtuo.
Apan
timan-i nga kining maong pagtuo nahingpit pinaagi sa mga pangutana
ni Jesus kaniya. Sa laing bahin ang mga pangutana sa mga kaaway
ni Cristo nakatabang hinoon kaniya sa pagpalawom sa iyang
pagtuo. Si Jesus lamang gayod ang nakapabungat kaniya sa maong
pagtuo. Ang tinuod nga pagtuo diay bunga sa personal nga pagsinati
kang Jesus.
|
